Instytut «Palityčnaja śfiera» i Biełaruski Kalehijum pry padtrymcy Polskaha Instytuta ŭ Minsku zaprašajuć na dyskusiju i prezientacyju antałohii krajovaj dumki.
Dyskusija «Krajovaja ideja: pieraacenka palityčnaha i kulturnaha značeńnia» z udziełam adnaho ź pieršych daśledčykaŭ krajovaj idei – Jana Jurkieviča, prafiesara Poznańskaha ŭniviersiteta (Polšča) – adbudziecca 19 sakavika a 18.30 u hateli «Manastyrski» (vuł. Kiryły i Miafodzija, 6).
Akramia Ja. Jurkieviča ŭ dyskusii prymuć udzieł viadomyja biełaruskija daśledčyki: Aleś Smalančuk, Andrej Kazakievič, Aleś Paškievič, Ihar Babkoŭ.
Padčas abmierkavańnia płanujecca zakranuć pytańni: Jakoje miesca krajovaja ideja zajmaje ŭ palityčnaj i intelektualnaj historyi rehijonu? Jakija asnoŭnyja palityčnyja i kulturnyja idei raźvivalisia krajoŭcami? Jak spadčyna krajovaj idei vykarystoŭvajucca ŭ kulturnaj prastory i palityčnym žyćci Biełarusi, Litvy i Polščy? Jakija aśpiekty krajovaj idei zachoŭvajuć svajo značeńnie siońnia?
Dyskusija budzie spałučana z prezientacyjaj elektronnaj viersii vydańnia «Antałohii krajovaj idei: pačatak XX st.», padrychtavanaj Instytutam «Palityčnaja śfiera».