Niekalki hadoŭ haradzieniec hvałtavaŭ rodnuju dačku ŭpotaj ad žonki. Na minułym tydni vyčvarenca zatrymali.
Jak paviedamlaje hazieta «Viačerni Hrodna», mužčyna ŭstupaŭ u intymnuju suviaź z 17-hadovaj dačkoj. Jon pačaŭ hvałtavać dziaŭčynku, kali joj było 12 hadoŭ. Baćka pahražaŭ dziciaci, što zabje maci, kali jana kamu-niebudź raskaža pra ich seksualnyja adnosiny.
Dziaŭčyna paśpiachova vučyłasia. U jaje źjaviŭsia małady čałaviek. Adnak baćka raŭnavaŭ jaje, pieraškadžaŭ sustrečam z chłopcami, nie puskaŭ na dyskateki, zabiraŭ na mašynie z vučoby. Ab damahańniach baćki dziaŭčyna raspaviała maci, kali nie zmahła bolš heta tryvać, taja źviarnułasia ŭ milicyju.
Mužčynu, 45-hadovaha haradzienca, jaki pracuje na adnym z bujnych pradpryjemstvaŭ horada, zatrymali. Raniej jon nie pryciahvaŭsia ni da kryminalnaj, ni da administracyjnaj adkaznaści. Siamja charaktaryzavałasia jak stanoŭčaja, raspavioŭ načalnik kryminalnaha vyšuku Kastryčnickaha RAUS Hrodna Uładzimir Vaŭčkievič.
