U śniežni 2011 hoda Siarhieja Siarhiejeviča Sidorskaha adpraŭlajuć u doŭhaterminovuju kamandziroŭku kiravać Ministerstvam pramysłovaści ŭ Jeŭrazijskaj ekanamičnaj kamisii. Faktyčna, paśla hadavoha adpačynku ad ciažkaj nošy premjer-ministra, jakuju toj nios z 2003 pa 2010, Radzima znoŭ zaklikała Siarhieja Siarhiejeviča i adpraviła za miažu.
Treba dumać, što za 10 hadoŭ znachodžańnia va ŭradzie Siarhiej Siarhiejevič pakinuŭ paśla siabie vydatnuju spadčynu. Bo stolki hadoŭ upartaj pracy nie mahli prajści darma!
Pieršymi ad hetaj spadčyny źjechali starejšaja dačka Alena Sidorskaja z mužam Vitalom ŭ Hiermaniju. Tam pieršy ziać Sidorskaha — Vital Mielnikaŭ — kiruje pradstaŭnictvam kancerna Biełnaftachim.
Mienavita ŭ vykarystańni starejšaj dački Aleny Sidorskaj dla admyvańnia hrošaj amierykancy padazravali Siarhieja Sidorskaha.
Druhimi nie vytrymali ščaścia žyć u Biełarusi druhaja dačka Sidorskaha Aksana Sidorskaja z mužam — Juryjem Markovičam. Źjechali ŭ Maskvu i zanialisia biznesam: adkryli IP.
Pa spasyłcy možna spampavać vypiski z padatkovaj IP Aksany Sidorskaj i IP Juryja Markoviča.
Usia hetaja infarmacyja dastupnaja absalutna svabodna na sajcie padatkovaj: egrul.nalog.ru
Jak vidać z vypisak, i Aksana, i Juryj źjaŭlajucca hramadzianami Rasii.
Tut usio dakładna, hramadzianstva jany atrymali jašče ŭ 2012 hodzie ŭ Kalininhradzie.
U vypiscy taksama znachodzicca infarmacyja ab terytaryjalnym orhanie Piensijnaha fondu, u jakim zarehistravany IP. U vypadku pary Sidorskich-džunijor — heta Tahanski rajon Maskvy, dzie jany zarehistravanyja pa miescy žycharstva.
Źviarnuŭšysia ŭ Rasrejestr i apłaciŭšy pošlinu, vy možacie absalutna svabodna atrymać vypisku ADRP ź infarmacyjaj ab ułaśniku luboj nieruchomaści ŭ Rasii.
Źviartajemsia za vypiskaj na kvateru pa adrasie: vuł. Tałalichina, d.8, kv. 83, i znachodzim tam Aksanu Siarhiejeŭnu Sidorskuju.
Spampavać vypisku ŭ dobraj jakaści možna pa spasyłcy.
Domik vielmi navat ničoha. Košt kvatery płoščaj 80 mietraŭ — kala 35 młn rubloŭ, na momant nabyćcia Aksanaj Sidorskaj (u vypiscy značycca krasavik 2014 h.) kvatera kaštavała kala miljona dalaraŭ.
Dom nastolki vielizarny, što ŭ jaho jość ułasny ŭnutrany dvoryk na ŭzroŭni druhoha paviercha, z altankaj, dzie špacyrujuć mamy z kalaskami.
Nu i jak ža biez modnych bałkončykaŭ?
Pikam ironii źjaŭlajecca kot z multyka, jaki viadomy svajoj cytataj: «Taici, Taici… nas i tut niadrenna kormiać», pomnik jakomu staić u dvary doma.
Treciaj (i apošniaj) pakinuła Biełaruś žonka Siarhieja Sidorskaha — Ludmiła. Nie doŭha dumajučy i jana adkryła IP u Rasii, vypisku možna spampavać tut, albo z taho ž sajta padatkovaj.
Pryčym u ziacia i dački vidy dziejnaści na 80% supadajuć z žonkaj eks-premjera — voś što značyć sapraŭdny siamiejny biznes.
Cikava tak atrymlivajecca, što najlepšyja pradprymalnickija zdolnaści zaŭsiody čamuści ŭ svajakoŭ čynoŭnikaŭ: žonak, dziaciej, bratoŭ, siaścior i inš. Čym vyšejšaja pasada, tym bolšy kamiercyjny pośpiech svajaka.
Typovyja pradstaŭniki biełaruskaha biznes-kłasa — Aksana (źleva) i Ludmiła Sidorskija
Ale vierch kryvadušnaści ŭ tym, što mienavita pry Sidorskim u Biełarusi zabaranili ipešnikam najmać rabotnikaŭ. I što robić usia jaho siamja, jak tolki źjazdžaje ź Biełarusi? Tak, zavodzić IP u Rasii, dzie hetaja zabarona nie dziejničaje.
Reuters
Treba pastaracca adpracavać tak, kab paśla sychodu z pasady premjer-ministra ŭsia tvaja siamja paličyła za lepšaje raźjechacca pa zamiežžach i źmianić hramadzianstva, čym zastavacca na Radzimie.
A jana ŭ nas z vami adna, i inšaj nie budzie.
