Patryjarch Maskoŭski i ŭsioj Rusi Kirył zajaviŭ ab padtrymcy dziejnaści prezidenta Paleściny Machmuda Abasa i kiraŭnictva paleścinskaj administracyi, nakiravanaj na zdabyćcio dziaržaŭnaści.
«Ruskaja pravasłaŭnaja carkva (RPC) vykazvaje svaju padtrymku zakonnym patrabavańniam i spadziavańniam naroda Paleściny zdabyć svaju dziaržaŭnaść u adpaviednaści z histaryčnaj rezalucyjaj AAN», — skazaŭ kiraŭnik RPC padčas sustrečy z Abasam u histaryčnych patryjaršych pałatach Maskoŭskaha Kramla.
Pa słovach Kiryła, kanflikt na Śviatoj ziamli moža być vyrašany tolki dypłamatyčnym šlacham.
Patryjarch uznaharodziŭ Machmuda Abasa ordenam Słavy i honaru I stupieni — adnoj z hałoŭnych uznaharod RPC. Abas, u svaju čarhu, uručyŭ patryjarchu, «najvyšejšuju ŭznaharodu Paleściny» orden «Zorka Viflejema».