TBM praciahvaje abvieščany konkurs artykułaŭ u Vikipiedyju na temu «Humanitarnyja navuki. Piersanalii». Artykuły na konkurs možna dasyłać da 15 červienia 2015 h.; a pieramožca atrymaje hałoŭny pryz – płanšet. Inšyja pryzy: elektronnaja kniha i fłeška.
UMOVY KONKURSU ARTYKUŁAŬ U VIKIPIEDYJu HLADZICIE TUT.
Ale atrymać płanšet – nie hałoŭnaja nahoda. I heta – toj samy vypadak, kali ŭdzieł, badaj, važniejšy za pieramohu. Sam udzieł užo jość pieramohaj – našaj supolnaj pieramohaj.
Kožny z nas jość śpiecyjalistam u svajoj prafiesii. Kožny maje niejkaje zachapleńnie – ad vyroščvańnia chatnich raślinaŭ da parašutnaha sportu – pra jakoje, peŭna, moža ź impetam raspaviadać nie adnu hadzinu.
I kožny z nas prosta abaviazany napisać artykuł u Vikipiedyju!
Navošta? Kab pa-biełarusku možna było znajści ŭsio! Nu i, viadoma, kab atrymać płanšet.
Kab navukovyja artykuły biełaruskaj Vikipiedyi možna było vykarystoŭvać zamiest padručnikaŭ – nie tolki školnych, ale i ŭniviersitetskich. I heta nie pierabolšvańnie: takaja praktyka ŭžo zamacavałasia ŭ niekatorych krainach.
Pradbačym pieršaje pytańnie: «A što rabić, kali ja nie ŭmieju pisać artykuły ŭ Vikipiedyju?» Adkaz na jaho moža być tolki adzin: vučyciesia! Heta prosta. Vam u dapamohu – daviedka Vikipiedyi. Taksama vy ŭ luby momant možacie źviarnucca pa paradu da arhanizataraŭ.
Kali ŭźniknie takaja patreba, TBM arhanizuje navučalny zaniatak; hałoŭnaje – paviedamicie nam pra heta: napišycie na poštu TBM [email protected], dašlicie paviedamleńnie ŭ supołki Tavarystva ŭ sacyjalnych sietkach.
Dyk stvarajma biełaruskamoŭnuju prastoru razam!
Artykuły možna budzie dasyłać na konkurs da 15 červienia 2015 hoda. I zyčym vam atrymać hałoŭny pryz!