Pra heta Arciom Prakapienka paviedamiŭ svaim svajakam 17 krasavika. Pavodle jahonych słovaŭ, u adkazie kamisii ab pamiłavańni pryčyna admovy nie paviedamlajecca.
Infarmacyju raspaŭsiudziŭ sajt PC «Viasna».
Sam dakument Prakapienku nia vydali, ale dali ź im aznajomicca.
Arciom Prakapienka padaŭ prašeńnie pra pamiłavańnie ŭ lutym 2015 hodu. Raniej Alaksandar Łukašenka zajaŭlaŭ, što vyzvaleńnie palityčnych źniavolenych mahčyma tolki paśla ichnaha asabistaha zvarotu.
Arciom Prakapienka za kratami z 17 studzienia 2011 hodu. Jon asudžany na 7 hadoŭ pazbaŭleńnia voli va ŭmovach uzmocnienaha režymu sudom Babrujskaha rajonu i horadu Babrujsku pavodle č.2 art.339 KK (złosnaje chulihanstva) i č.3 art.218 KK (paškodžańnie majomaści ŭ asabliva bujnym pamiery). Pa spravie Arciom prachodziŭ razam ź Jaŭhienam Vaśkovičam i Paŭłam Syramałotavym.
Termin źniavoleńnia Arcioma Prakapienki skančvajecca 17 studzienia 2018 hodu.
Razam z Arciomam Prakapienkam za kratami zastajucca jašče 6 palitviaźniaŭ.
