Ministr zamiežnych spraŭ Biełarusi Uładzimir Makiej 20 krasavika ŭ Luksiemburhu pryniaŭ udzieł u ministerskaj sustrečy krain - udzielnic inicyjatyvy «Uschodniaje partniorstva» (UP), jakaja była pryśviečana padrychtoŭcy Ryžskaha samitu.
«U časie vizitu kiraŭnik biełaruskaha źniešniepalityčnaha viedamstva taksama pravioŭ šerah sustreč z kiraŭnictvam Jeŭrapiejskaj kamisii, Jeŭrapiejskaj słužby źniešnich dziejańniaŭ, ministrami zamiežnych spraŭ krain - členaŭ ES i krain - partnioraŭ UP, u chodzie jakich byli abmierkavany aktualnyja pytańni i mahčymaści pašyreńnia biełaruska-jeŭrapiejskaha supracoŭnictva, a taksama dvuchbakovaha ŭzajemadziejańnia», - udakładnili pradstaŭniki biełaruskaha MZS.
Vystupajučy na plenarnym pasiadžeńni ministerskaj sustrečy, Uładzimir Makiej vykłaŭ padychody Biełarusi da raźvićcia adnosin ź Jeŭrapiejskim sajuzam i ŭdziełu krainy va «Uschodnim partniorstvie». Akramia taho, jon padkreśliŭ nieabchodnaść zabieśpiačeńnia sapraŭdnaha raŭnapraŭja pamiž ES i krainami - partniorami UP, bolšaha uliku ich intaresaŭ i fakusoŭki na prykładnych śfierach supracoŭnictva. Ministr taksama zaklikaŭ da chutčejšaha pačatku dyjałohu pamiž ES i Jeŭrazijskim ekanamičnym sajuzam ź pierśpiektyvaj farmiravańnia ahulnaj ekanamičnaj prastory jak klučavoha elemienta doŭhaterminovaha miru i praćvitańnia ŭ rehijonie.
Praviadzieńnie Ryžskaha samitu «Uschodniaha partniorstva» zapłanavana na 21-22 traŭnia.
