Sud Jehipta pryznaŭ byłoha prezidenta krainy Machamieda Mursi vinavatym u tym, što jon addavaŭ zahady ab aryštach i katavańniach udzielnikaŭ pratestaŭ la prezidenckaha pałaca «Al-Itychadyja» vosieńniu 2013 hoda, i prysudziŭ jaho da 20 hadoŭ turemnaha źniavoleńnia.
Heta pieršy prysud u adras byłoha prezidenta, adnak u dačynieńni da jaho była zaviedzienaja jašče niekalki spraŭ.
Mursi byŭ skinuty armiejskim kiraŭnictvam u lipieni 2013 paśla masavych vuličnych pratestaŭ suprać jaho režymu.
Z tych časoŭ ułady Jehipta zabaranili ruch «Braty-musulmanie», jaki jon uznačalvaŭ, i aryštavali tysiačy jaho prychilnikaŭ.
Z Mursi i jašče 14 aktyvistaŭ ruchu źniali bolš ciažkija abvinavačvańni ŭ padbuchtorvańni da zabojstva demanstrantaŭ, za jakoje im pahražała śmiarotnaje pakarańnie.
Bolšaść saŭdzielnikaŭ Mursi taksama atrymali 20-hadovyja turemnyja terminy.
