ria.ru
Kiraŭnik samaabvieščanaj Danieckaj narodnaj respubliki Alaksandr Zacharčanka vykazaŭ hatoŭnaść pryniać u skład DNR ukrainskija vobłaści. Pra heta jon zajaviŭ u intervju LifeNews, padkreśliŭšy pry hetym, što «kraina pavinna pieraradzicca».
«Ukraina moža ŭvajści ŭ skład DNR. My prymiem usie brackija respubliki: Charkaŭskuju, Zaparožskuju, Lvoŭskuju, Adeskuju, Kijeŭskija i inšyja. Kraina pavinna pieraradzicca», — adznačyŭ Zacharčanka. Na jaho dumku, mienavita Danbas zaraz źjaŭlajecca simvałam «pieraradžeńnia dziaržavy», bo mienavita na hetaj terytoryi realizoŭvajucca łozunhi ab nieabchodnaści baraćby z karupcyjaj i hvałtam.
Razvažajučy ab dziaržaŭnym ładzie krainy, Zacharčanka padkreśliŭ, što Danbas — heta «abjadnalnaja siła». Jon vykazaŭ upeŭnienaść u zdolnaści «abjadnać tyja respubliki i rehijony, jakija vykažuć žadańnie ŭstupić u DNR».