Krymski vajenny harnizonny sud pryhavaryŭ da 2 hadoŭ pazbaŭleńnia voli rasijskaha vajskoŭca Jaŭhiena Zajcava, jaki ŭ krasaviku 2014 hoda ŭ pasiołku Navafiedaraŭka zastreliŭ majora ŭzbrojenych sił Ukrainy Stanisłava Karačeŭskaha.
Pra heta ŭ Twitter napisaŭ advakat narodnaha deputata Ukrainy, lotčycy Nadziei Saŭčanka Mark Fiejhin.
«13 sakavika Krymski vajenny harnizonny sud vynies prysud termin Zajcavu za zabojstva aficera USU Karačeŭskaha. Pamiatajecie? 2 hady dali, tak …», - adznačyŭ jon.
«Značyć, za zabitaha ŭkrainskaha aficera dali rasiaininu 2 hady. A nie vinavataja Saŭčanka ŭžo 10 miesiacaŭ adsiedzieła za nibyta dapamahańnie ŭ zabojstvie», - dadaŭ Fiejhin.
Miž tym, raniej Krymskaja palavaja misija pa pravach čałavieka paviedamlała, što Zajcaŭ u chodzie rasśledavańnia i razhladu ŭ sudzie kryminalnaj spravy ŭvieś čas znachodziŭsia na voli i praciahvaŭ nieści vajskovuju słužbu ŭ tym ža režymie, što i da zabojstva ŭkrainskaha aficera.
