U Dziusieldorfie pamior akcior Hienadź Vienhieraŭ. Pra śmierć artysta paviedamili na jaho staroncy ŭ sacyjalnaj sietcy «Fejsbuk» blizkija svajaki.
Za niekalki tydniaŭ da śmierci Vienhieraŭ paviedamiŭ padpisčykam svajoj staronki, što ŭ jaho vyjavili rak lohkich ź mietastazami ŭ kostkach. Jon prajšoŭ u Hiermanii kurs lačeńnia, adnak pieramahčy chvarobu tak i nie zmoh.
Hienadź Vienhieraŭ naradziŭsia ŭ Viciebsku ŭ 1959 hodzie. Skončyŭ architekturna-budaŭničaha technikuma, karotki čas pracavaŭ inžynieram-budaŭnikom, zatym pracavaŭ dyktaram Viciebskaha abłasnoha radyjo. Hraŭ u Narodnym teatry DK Čyhunačnikaŭ h. Viciebska. U 1980 hodzie byŭ zaprošany akcioram na prafiesijnuju scenu - u Biełaruski Akademičny dramatyčny teatr imia Ja.Kołasa.
U 1983-m skončyŭ škołu-studyju MCHAT, a ŭ pačatku 90-ch źjechaŭ pracavać u Hiermaniju.
Za svaju karjeru Vienhieraŭ syhraŭ bolš za sto rolaŭ u roznych prajektach. U Rasii ŭ lik najbolš viadomych filmaŭ ź jaho udziełam ŭvachodziać karciny «Deža viu», «Vorah u varotaŭ» i «Maltyjski kryž».
