23 krasavika (čaćvier) anłajn-časopis «Ideja» arhanizuje pieršaje ŭ Biełarusi publičnaje mierapryjemstva z udziełam Mižnarodnaha valutnaha fondu. Śpikier – staršy pastajanny pradstaŭnik MVF pa Centralnaj i Uschodniaj Jeŭropie Džejms Roŭf, jaki vystupić sa spravazdačaj «25 hadoŭ pierachodu da rynku: postkamunistyčnaja Jeŭropa i MVF».
Džejms Roŭf zavitaje ŭ Minsk z Varšavy, dzie jon pracuje ŭ rehijanalnym ofisie MVF, jaki zajmajecca ekanamičnymi daśledavańniami i analitykaj pa krainach Centralnaj i Uschodniaj Jeŭropy, uklučna i ź Biełaruśsiu. Spadar Roŭf prezientuje spravazdaču MVF «25 hadoŭ pierachodu da rynku: postkamunistyčnaja Jeŭropa i MVF». U pryvatnaści, jon spynicca na historyi ekanamičnaha raźvićcia krainaŭ byłoha sacyjalistyčnaha łahiera ŭ 90-yja hady i raspaviadzie pra tyja prablemy, ź jakimi jany sutykajucca ciapier.
Čamu adny krainy dabilisia vialikich pośpiechaŭ, a inšyja – nie? Jakija prablemy jość siońnia ŭ ekanomicy Biełarusi i jak navučycca ich vyrašać na prykładach susiedziaŭ? Ci jość u Biełarusi pierśpiektyvy na jeŭrapiejskim rynku? Jak «sacyjalnaść» dziaržavy moža drenna ŭpłyvać na ekanamičny rost? Čamu Biełaruś – apošniaja postkamunistyčnaja kraina, jakaja nie skončyła pryvatyzacyju, i ci heta tak drenna? Jak MVF dapamahaje Biełarusi? Ab hetym spadar Roŭf nieŭzabavie raspaviadzie na sustrečy.
Uziać udzieł u spatkańni zaprašajucca biełaruskija analityki, daśledčyki, vykładčyki, pradstaŭniki ekśpiertnych kołaŭ, uradu, miedyjaŭ, dypłamaty, a taksama zacikaŭlenaja hramadskaść.
Sustreča projdzie 19:00-20:30 u biźnies-kłubie Imaguru (Fabrycyŭsa 4 (st.m. Instytut Kultury)). Uvachod volny.
Ab śpikiery
Džejms Roŭf (James Roaf) - staršy pradstaŭnik MVF pa Centralnaj i Ŭschodniaj Jeŭropie. Pracuje ŭ MVF 17 hadoŭ, u minułym zajmaŭ pasadu staršyni adnaho z adździełaŭ departamienta stratehii, palityki i pierahlada MVF (Division Chief at Strategy, Policy, and Review Department), jašče raniej byŭ pradstaŭnikom MVF u Bałharyi. U asnoŭnym zajmajecca ekanamičnymi daśledvańniami, ale, pamiž inšym, źjaŭlajecca aŭtaram spravazdačy «Karupcyja ŭ Rasii», jakuju jon napisaŭ jašče ŭ 2000 hodzie. Ciapier žyvie ŭ Varšavie.
