U Biełarusi ŭ bližejšyja vychadnyja budzie ciopła, projduć karotkačasovyja daždžy.
Pra heta BiełTA paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Ludmiła Paraščuk.
Tak, u subotu čakajecca da +24, u niadzielu i paniadziełak taksama zachavajecca ciopłaje nadvorje, miescami projduć karotkačasovyja navalničnyja daždžy. Tempieratura pavietra ŭnačy składzie 7—13 hradusaŭ ciapła, dniom — ad 18 da 25 vyšej za nul. U niadzielu pa poŭnačy krainy, dzie budzie bolš abłokaŭ, budzie chaładniej — nie vyšej za 17 hradusaŭ ciapła.
U siaredzinie nastupnaha tydnia nienadoŭha pachaładaje.
U sieradu nadvorje abumoviać aktyŭnyja sistemy atmaśfiernych frantoŭ i prachałodnyja pavietranyja masy, jakija pastupajuć sa Skandynavii.
Na bolšaj častcy terytoryi krainy čakajucca daždžy. Miescami prahrymiać navalnicy, dniom pry navalnicach paryvisty viecier, mahčymy hrad. Tempieratura pavietra ŭnačy składzie plus 7—13 hradusaŭ, pa zachadzie — nie vyšej za 6 hradusaŭ ciapła, dniom — plus 8—14, miescami da plus 17.
