Karejskaja kampanija LG pradstaviła svoj fłahmanski smartfon 2015 hoda G4.
Apparat pradstaŭleny ŭ mnostvie kalarovych vyrašeńniaŭ. Zadnija paneli vykananyja ŭ roznych varyjantach z płastyku, kieramiki i navat naturalnaj skury.
Apparat pracuje na Android 5.0. Jon maje 6-jadzierny pracesar Snapdragon 808, hrafičny paskaralnik Adreno 418, 3 Hb apieratyŭnaj pamiaci i 32 Hb unutranaj (padtrymlivajucca karty pamiaci).
5,5-calevy dyspłej maje razroźnieńnie 2560ch1440 i vykanany pa technałohii «Quantum IPS», što vykarystoŭvajecca ŭ televizarach kampanii. Vytvorca śćviardžaje, što dyspłej na 25% bolš jaskravy, na 50% bolš kantrastny i na 11% bolš enierhaefiektyŭny za dyspłej LG G3.
Asnoŭnaja kamiera smartfona maje razroźnieńnie 16 Mp, datčyk kalarovaha śpiektru, łaziernuju fakusiroŭku. Jana ŭmieje zachoŭvać zdymki ŭ farmacie RAW. Frantalnaja kamiera maje razroźnieńnie 8 Mp.
Korpus smartfona krychu vyhnuty pa anałohii sa smartfonam LG G Flex (vyhin zaŭvažna mienšy). G4 maje taŭščyniu 9,8 mm, smartfon važyć 155 hram. Smartfon maje zdymny akumulatar na 3000 mAh.
Pa źviestkach PhoneArena, cana aparata składzie 679-689 jeŭra. U prodaž jon pastupić nie raniej za kaniec viasny.
