Upraŭleńniem Śledčaha kamiteta pa Bresckaj vobłaści raspačata kryminalnaja sprava ŭ dačynieńni da troch mužčyn za ŭchileńnie ad vypłaty padatkaŭ na nieruchomaść. Pra heta paviedamili ŭ viedamstvie.
Arhanizataram złačynnaj schiemy źjaŭlaŭsia 47-hadovy indyvidualny pradprymalnik z Bresta, jaki pieradaŭ niežyłyja pamiaškańni ŭ arendu pryvatnamu handlova-unitarnamu pradpryjemstvu.
Ustanoŭlena, što pamiž dyrektaram pradpryjemstva i indyvidualnym pradprymalnikam miełasia damoŭlenaść ab niepradstaŭleńni dekłaracyj pa arendzie abjektaŭ nieruchomaści. Pry hetym złačynnaja schiema praciahnuła isnavać i pry źmienie kiraŭnika arhanizacyi. Za 2-i i 3-i kvartały 2014 respublikanski biudžet niedaatrymaŭ amal Br2 młrd.
Troje fihurantaŭ kryminalnaj spravy padazrajucca ŭ ździajśnieńni złačynstva, praduhledžanaha č.2 art.243 (uchileńnie ad vypłaty padatkaŭ u asabliva bujnym pamiery) Kryminalnaha kodeksa Biełarusi.