U 1961 hodzie amierykanskaje telešou «Schavanaja kamiera» vypuściła prahramu, pryśviečanuju žyćciu ŭ SSSR. Rasijski časopis «Tohda» dadaŭ da videa ruskija subtytry.
Aŭtary prahramy zaŭvažajuć, što žančyny ŭ SSSR biaruć na siabie ciažkuju pracu, zaŭziatary na futbolnaj hulni nie kryčać i nie śviściać, a ŭśmichacca na fota nie chočuć navat dzieci.
U adnym z rozyhryšaŭ maskoŭcaŭ aŭtary prahramy padsadžvali «nastojlivaha čytača» da ludziej u mietro. Kali ludzi bačyli, što ich haziety biessaromna čytaje susied, jany dzialilisia čytvom.
U druhim — prapanavali minakam padnieści dziaŭčynie 113-kiłahramovy čamadan. Asiłki znajšlisia.
U 1961 hodzie SSSR i ZŠA znachodzilisia ŭ stanie Chałodnaj vajny. Mienavita ŭ hetym hodzie adbyŭsia Bierlinski kryzis i była ŭźviedzienaja Bierlinskaja ściana, tady ž prajšli vyprabavańni Car-bomby — adbyŭsia samy mahutny jadzierny vybuch u historyi Ziamli.
