Chvoryja, jakim u Italii vypisvajuć recepty na miedyčnuju marychuanu, pakutujuć ad zanadta vysokich koštaŭ na lehalny pradukt, piša sajt Bi-Bi-Si.
Italjanskaja vajskovaja płantacyja marychuany pad Fłarencyjaj.
Kab dapamahčy hetym ludziam, italjanskija vajskoŭcy znajšli niečakanaje vyjście — pabudavać admysłovuju fiermu na terytoryi vajskovaj farmaceŭtyčnaj fabryki. Ciapier jany spadziajucca pavialičyć vytvorčaść miedyčnaj marychuany da takoha ŭzroŭniu, kab jana stała bolš tannaj.
«Meta apieracyi — zrabić miedyčny pradukt dasiahalnym dla pacyjentaŭ», — adznačyŭ pałkoŭnik Antonio Miedyka. Vajenny abjekt da taho ž maje dobruju sistemu biaśpieki i kantrolu.
Meta vajennych miedykaŭ — źnizić košt praduktu da 15 ci navat 5 jeŭra za hram, skazaŭ vajskoviec. Ciapier adzin hram z-za deficytu navat absalutna lehalna možna nabyć prykładna za 35 jeŭra.
U 2014 hodzie italjanski sud admianiŭ zakon, jaki całkam zabaraniaŭ spažyvańnie «traŭki», adnak handal, zachavańnie i vytvorčaść marychuany ŭ miedyčnych metach žorstka rehulujucca, i pastaŭki jaje nie paśpiavajuć za popytam. Heta spryjaje nielehalnym pastaŭkam narkatyčnaha srodku ŭ Italiju praz mafijoznyja kanały.
U miedyčnych metach marychuanu vykarystoŭvajuć u asnoŭnym jak srodak suprać chraničnych bolaŭ. Śpiecyjalisty dahetul spračajucca pra plusy i minusy miedyčnaha vykarystańnia i lehalizacyi marychuany.
