Na videa zapusk adbyvajecca na 16:05
Kampanija Ełana Maska SpaceX 6 maja praviała paśpiachovyja vyprabavańni sistemy ekstrannaha katapultavańnia kaśmičnaha karabla Dragon.
U chodzie vyprabavańniaŭ na mysie Kanaviereł parašuty Dragon paśpiachova raskrylisia, karabiel ździejśniŭ miakkaje pryvadnieńnie. Za stanam karabla i maniekiena sačyli 270 datčykaŭ, mikrafonaŭ i kamier.
Pry avaryi rakiety pasažyry Dragon buduć adkinutyja jak maha dalej. U adroźnieńnie ad samalotaŭ, dzie katapultujecca tolki sam piłot, sistema biaśpieki Dragon katapultuje karabiel całkam.
Sistema biaśpieki składajecca z vaśmi ruchavikoŭ SuperDraco, razdrukavanych na 3D-pryntary. Za dźvie siekundy takija ruchaviki zdolnyja padniać kapsułu na 100 mietraŭ, za piać — na 500.
Siońnia Dragon vykarystoŭvajecca jak kaśmičny hruzavik, ale ŭžo ŭ 2017 hodzie płanujecca vykarystać jaho i dla palotu čałavieka da MKS.
