Z 11 maja budzie arhanizavana spahnańnie płaty za parkoŭku aŭtamabilaŭ na vuł. Revalucyjnaj, Kamsamolskaj, Internacyjanalnaj.
Jak paviedamiŭ hałoŭny inžynier HA «Haražy, aŭtastajanki i parkoŭki» Piotr Prudnikaŭ, usiaho praduhledžana arhanizavać 694 mašyna-miescy. Jak i ŭ inšych zonach płatnaj parkoŭki, pakinuć tut aŭtamabil na 1 hadzinu budzie kaštavać 10 tysiač rubloŭ. Prymać apłatu buduć parkamaty, jakija pracujuć na soniečnych batarejach. Pryčym da 16 červienia — tolki najaŭnymi hrašyma. A zatym pačnie dziejničać sposab apłaty z dapamohaj bankaŭskich płastykavych kart.
Abstalavańnie zabiaśpiečana prahramnym kompleksam pa kantroli za apłataj. Heta značyć, supracoŭnik HU «Parkoŭki stalicy», uzbrojeny płanšetam, zmoža pravieryć, raźličylisia vy za parkoŭku aŭto ci nie. Kab apłacić zaniataje mašyna-miesca, treba ŭ parkomaty ŭvieści 5 ličbaŭ dziaržnumara mašyny i ŭnieści adpaviednuju sumu. Akramia taho, u novaj zonie płatnaj parkoŭki buduć dziejničać usie ŭkaranionyja raniej sposaby apłaty, jakimi karystajucca na inšych staličnych aŭtamatyzavanych parkoŭkach: z dapamohaj adpraŭki SMS, USSD-zapytaŭ i nabyćcia kartak parkoŭki.
