Eks-prezident Jehipta Chośni Mubarak i dvoje jaho synoŭ prysudžanyja da troch hadoŭ turmy na paŭtornym pracesie pa tak zvanaj spravie «ab prezidenckich pałacach».
Pavodle dadzienych śledstva, eks-prezident i jaho syny prysvoili 18 młn dalaraŭ, vydzielenych na ramont i restaŭracyju pałacaŭ kiraŭnika dziaržavy.
U rečaisnaści biudžetnyja hrošy nakiroŭvalisia na ramont pryvatnych uładańniaŭ siamji eks-prezidenta, vyjaviła śledstva.
Raniej eks-prezident z synami ŭžo byŭ pryznany vinavatym pa hetaj spravie, adnak kasacyjny sud Jehipta pastanaviŭ admianić prysud i pryznačyć novaje sudovaje raźbiralnictva.
U zały suda ŭ momant abviaščeńnia prysudu sabralisia storoniki byłoha prezidenta, jakija ličać rašeńnie suda palityčnaj. Advakat Mubaraka paviedamiŭ, što rašeńnie moža być abskardžana.