Jana tyčycca kradziažu bietonu ŭ asabliva bujnym pamiery.

«Ustanoŭlena, što šerah kiroŭcaŭ pryvatnych transpartnych arhanizacyj i słužbovyja asoby budaŭničych vytvorčych arhanizacyj Minska, u pieryjad času z kastryčnika 2013 pa luty 2014, ustupiŭšy ŭ złačynnuju zmovu, sistematyčna ździajśniali kradziažy bietonnych sumiesiaŭ, jak z terytoryi vytvorčaj bazy, tak i z budaŭničych abjektaŭ», — raskazała aficyjny pradstaŭnik upraŭleńnia Śledčaha kamiteta pa Minskaj vobłaści Taćciana Biełanoh.

Śledstvam atrymany dokazy 40 faktaŭ kradziažu. Da kryminalnaj adkaznaści pryciahnuty 16 čałaviek.

«Schiema złačynnaj dziejnaści zaklučałasia ŭ tym, što abvinavačanyja, zahadzia ŭzhadniŭšy svaje dziejańni, śpisvali atrymanyja na zavodzie bietonnyja sumiesi jak budaŭničyja materyjały ŭžo vykarystanyja na metavych budaŭničych abjektach. Paśla skradzienaje pradavałasia fizičnym asobam i dastaŭlałasia na ŭčastki indyvidualnaj zabudovy. Z metaj utojvańnia kradziažu bietonu ŭ supravadžalnyja i inšyja dakumienty ŭnosilisia zahadzia łžyvyja źviestki. Hrašovyja srodki, atrymanyja złačynnym šlacham, raźmiarkoŭvalisia pamiž fihurantami, — adznačyła Biełanoh.

Naniesienuju škodu ŭ 300 miljonaŭ rubloŭ užo kampiensavali. Nakładzieny aryšt na majomaść abvinavačanych na 1,5 miljarda rubloŭ.

Padčas rasśledavańnia vyjaŭleny farmalizm u pracy słužbovych asob, adkaznych za arhanizacyju dziejnaści na budaŭničych abjektach. Nienaležny kantrol i zachavanaść budaŭničych materyjałaŭ, adsutnaść naležnaj pravierki supravadžalnaj dakumientacyi paspryjali ździajśnieńniu kradziažu majomaści. Na adras kiraŭnictva AAT «Mapid», AAT «Minskžalezabieton» i šerahu pryvatnych transpartnych arhanizacyj nakiravany pradstaŭleńni ab likvidacyi vyjaŭlenych niedachopaŭ i pryniaćci mier pa zabieśpiačeńniu naležnaha kantrolu.

Kryminalnaja sprava pieradadziena ŭ prakuraturu dla nakiravańnia ŭ sud.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?