Ahienctva ŭnutranaj biaśpieki Polščy (ABW) zatrymała ŭ Biełastoku traich čałaviek, jakich prakuratura padazraje ŭ zbory srodkaŭ na finansavańnie teraryzmu, paviedamiŭ Gazeta.pl pres-sakratar ABW. Usia trojka aryštavanaja na try miesiacy.
Pavodle infarmacyi PAP, usie troje zatrymanych — čačency. Pa nieaficyjnaj infarmacyi, hrošy źbiralisia na finansavańnie «Isłamskaj dziaržavy».
ABW i biełastockaja prakuratura dajuć ścisłyja kamientary i nie raspaviadajuć padrabiaznaściej zatrymańnia.
Z vynikovaj spravazdačy ABW za 2014 hod viadoma, što ahienctva pravodzić rasśledavańni ŭdziełu hramadzian Polščy ŭ bajavych dziejańniach na terytoryi Siryi. Terarystyčnaja pahroza Polščy, jak i ŭ minułyja hady, u dakładzie aceńvajecca jak nizkaja.
0
0
0
0
0
0
