Prync Hary ŭdzielničaŭ u łoŭli krakadziła, pieradaje BBC News.
U internecie źjavilisia fotazdymki, na jakich člen karaleŭskaj siamji pakazany ŭ łodcy viercham na źviazanym trochmietrovym drapiežnikam. Krakadził byŭ vyniaty z pastki ŭ havani blizu aŭstralijskaha horada Darvin.
Jak zajaviła kiraŭnik rehijanalnaha departamienta parkaŭ i zapaviednikaŭ Bes Prajs, łoŭla krakadziła była arhanizavana śpiecyjalna dla prynca Hary, kab u jaho zastalisia jarkija ŭražańni ad naviedvańnia Aŭstralii.
Rejndžary aŭstralijskaj poŭnačy zajmajucca vyłavam krakadziłaŭ z vadajomaŭ, u jakich łoviać rybu i katajucca na łodkach turysty. Paśla hetaha drapiežnikaŭ pieravoziać na śpiecyjalnyja fiermy abo zabivajuć. Štohod kolkaść vyłaŭlenych reptylij składaje kala 200 asobin.
