Haračaje nadvorje vierniecca ŭ Biełaruś u druhoj pałovie tydnia, paviedamiŭ načalnik słužby Biełhidramieta Dźmitryj Rabaŭ.
U pačatku tydnia čakajecca ŭmierana ciopłaje, śviežaje nadvorje, jakoje budzie vyznačać vobłaść pavyšanaha atmaśfiernaha cisku, sfarmiravanaja ŭ śviežym bałtyjskim pavietry, adznačyŭ sinoptyk.
U aŭtorak pieravažna biez apadkaŭ, tolki pa poŭdni krainy adabjecca ŭpłyŭ małaaktyŭnaha frantalnaha raździełu, u asobnych rajonach čakajucca nievialikija karotkačasovyja daždžy. Tempieratura pavietra nočču plus 5—11°S, u paŭdniovych rajonach plus 12—15°S; dniom plus 18—23°S, u Bresckaj i Homielskaj abłaściach da plus 25°S.
U sieradu pieravažna biez apadkaŭ. Tempieratura pavietra nočču ad plus 5°S pa poŭnačy da plus 13°S pa poŭdni respubliki, dniom plus 16—22°S, pa poŭdni plus 23—24°S.
«Z čaćviarha nadvorje znoŭ pačnie mianiacca, paŭnočnyja viatry pamianiajucca na paŭdniovyja.
Pačynajučy z paŭdniovaha zachadu krainy buduć pastupać ciaplejšyja pavietranyja masy. Słupki termomietraŭ iznoŭ vyrastuć», — adznačyŭ Rabaŭ.
U čaćvier biez apadkaŭ. Tempieratura pavietra nočču plus 3—10°S, dniom ad plus 19°S pa paŭnočnym uschodzie da plus 27°S pa paŭdniovym zachadzie krainy.
U piatnicu ŭ asobnych rajonach, hałoŭnym čynam pa paŭdniovym zachadzie krainy, karotkačasovyja daždžy, navalnicy. Tempieratura pavietra nočču plus 5—12°S, pa paŭdniovym zachadzie da plus 14°S; dniom plus 23—29°S.
U vychadnyja dni ŭ bolšaści rajonaŭ ustalujecca haračaje nadvorje. U subotu miescami, pieravažna pa paŭnočnym zachadzie krainy, karotkačasovyja daždžy, navalnicy.
Tempieratura pavietra nočču plus 10—17°S, dniom plus 25—32°S.
U niadzielu praź Biełaruś projdzie małaaktyŭny atmaśfierny front, miescami čakajucca karotkačasovyja daždžy, navalnicy. Tempieratura pavietra nočču plus 13—20°S, dniom plus 25—32°S, pa paŭnočnym zachadzie plus 21—24°S.
