Adpačyvajučy ŭ kampanii na bierazie raki Pina, 34-hadovaja žančyna vyrašyła vykupacca i pačała tanuć.
Jak raspaviała Miedyja-Paleśsiu miedsiastra Pinskaj haradskoj vyratavalnaj stancyi Asvod Lesia Rymkievič, adbyvałasia ŭsio heta ŭ nieŭstalavanym dla kupańnia miescy, za 100 mietraŭ ad plaža. 34-letniuju pinčanku, jakaja była ŭžo biez prytomnaści, dastali z vady dvoje chłopcaŭ.
Da miescy zdareńnia padaśpieŭ marak-vyratavalnik i ŭmiełymi dziejańniami viarnuŭ žančynu da žyćcia. Zatym paciarpiełuju dastavili na vyratavalnuju stancyju. I tut u jaje paŭtorna spyniłasia dychańnie. Ratavalniki Asvoda jašče raz praviali reanimacyjnyja mierapryjemstvy i pieradali tapielnicu bryhadzie chutkaj dapamohi, jakaja adviezła jaje ŭ haradskuju balnicu.
«Z balnicy žančyna źbiehła, što zusim nierazumna - bo nastupstvy paśla ŭtapleńnia mohuć niehatyŭna adbicca na jaje zdaroŭi», — kanstatavała Lesia Rymkievič.
