75-hadovaja babrujčanka atrymała 14 červienia śmiarotnuju traŭmu, pierachodziačy čyhunačnyja rejki pierad ciahnikom na prypynačnym punkcie Jasień Asipovickaha rajona.
Jak paviedamili ŭ adździaleńni infarmacyi i hramadskich suviaziaŭ UUS Mahiloŭskaha abłvykankama, žančyna pryjechała z Babrujska na elektraciahniku da svaich dačok. Spuskacca ź pierona va ŭstanoŭlenym dla pierachodu miescy joj, jak miarkujuć u milicyi, było vysoka, i jana vybrała zručniejšy dla siabie šlach.
«U jaje byli prablemy z aporna-ruchalnym aparatam, i tamu jana nie paśpieła zaviaršyć svoj pierachod pierad ciahnikom», — adznačyli va UUS.
Miedyki chutkaj dapamohi kanstatavali śmierć žančyny. Zryŭ hrafika ruchu ciahnika ekanamkłasa Minsk — Homiel skłaŭ piać chvilin.
0
0
0
0
0
0
