62-hadovy Džeb Buš (małodšy syn i brat 41-ha i 43-ha prezidentaŭ ZŠA Džordžaŭ Bušaŭ) rychtujecca siońnia abviaścić pra ŭdzieł u prezidenckaj honcy 2016 h. ad Respublikanskaj partyi
Abviaščeńnie musić prajści ŭ Majami (Džeb Buš byŭ hubiernataram Fłarydy ŭ 1999—2007) a 22-j pavodle minskaha času, ale Buš-najmałodšy ŭžo anansavaŭ jaho ŭ sacyjalnych sietkach.
Svaju kampaniju jon budzie pravodzić pad łozunham «Džeb! 2016», kab nie złoŭžyvać proźviščam baćki i brata.
Vybary prezidenta ZŠA projduć u listapadzie nastupnaha hoda, ale ad respublikancaŭ užo jość niekalki kandydataŭ, jak Marka Rubia i Ted Kruz. Tam usio vyrašać prajmieryz.
Hałoŭnym ža supiernikam ad Demakratyčnaj partyi, vidać, budzie byłaja pieršaja łedzi i dziaržsakratar Chiłary Klintan.
Džeb Buš rezka krytykuje palityku Baraka Abamy, jakaja nie zdoleła praduchilić kryzis va Uschodniaj Jeŭropie, spravakavany anieksijaj Kryma Rasijaj.
Padčas vizitu ŭ Bierlin na minułym tydni, vystupajučy na mierapryjemstvie kiroŭnaj CHDS, Džeb Buš zajaviŭ, što Pucina pryjšoŭ čas spynić.
«Chto b sumniavaŭsia, što Rasija budzie i dalej rabić usio, što joj uzdumajecca, kali jaje ahresija zastaniecca biez adkazu», — skazaŭ jon, zajaviŭšy, što «Pucin — žorstki prahmatyk, jaki budzie praciskać svajo, pakul chtości nie naciśnie u adkaz».
Na jaho dumku, ZŠA i Jeŭropa, pavinny previentyŭna strymlivać ahresiju, a nie reahavać postfaktum, što tolki zaachvočvaje błahija pavodziny Pucina.
