Avaryja zdaryłasia ŭ noč na 17 červienia na vulicy Kirava.
23-y hadovy mužčyna nie daŭ rady kiravańniu aŭtamabilem i ŭrezaŭsia ŭ darožny znak, a zatym u śvietavuju aporu. Paśla avaryi jon pakinuŭ svaju mašynu, nie zvažajučy ŭvahi na pasažyraŭ, i źbieh.
U mašynie zastalisia dvoje, abodva nie byli pryšpilenyja ramianiami biaśpieki.
Adzin ź ich, 23 - hadovy chłopiec, jaki znachodziŭsia sprava na zadnim pasažyrskim siadzieńni, atrymaŭ ciažkija cialesnyja paškodžańni i pamior da pryjezdu bryhady chutkaj dapamohi. 18-hadovaja dziaŭčyna, jakaja siadzieła pobač ź im atrymała zakrytuju čerapna-mazhavuju traŭmu, vyciatuju ranu łobnaj vobłaści i pravaj jahadzicy.
Kiroŭcu zatrymali kala 12-j dnia. Jon chavaŭsia ŭ zakinutym domie ŭ vioscy Volna. Stała viadoma, što raniej jon try razy pryciahvaŭsia da administracyjnaj adkaznaści za parušeńni PDR.
Na momant zatrymańnia ŭ vydychanym pavietry vyjaŭlena 0,2 pramile ałkaholu, uziataja kroŭ na analiz. Pravodzicca pravierka.