«Na nastupnym tydni my płanujem pravieści kansultacyi ź biełaruskimi kalehami i na placoŭcy JEAES z tym, kab abmierkavać situacyju, jakaja skłałasia z pastaŭkami biełaruskaj pradukcyi», - zajaviŭ namieśnik kiraŭnika słužby Jaŭhien Niepakłonaŭ.
Pavodle jaho słoŭ, kali biełaruski bok nie prymie nieabchodnych mier, to Raśsielhasnahlad budzie vymušany ŭvieści abmiežavańni.
Niepakłonaŭ taksama zajaviŭ, što ŭ apošni čas viedamstva rehularna vyjaŭlaje parušeńni ŭ małočnaj pradukcyi biełaruskaj vytvorčaści.
«Asabliva heta źviazana z utrymańniem u joj mietranidazoł, vyjaŭlali i tetracyklin», - adznačyŭ jon, pieraličyŭšy ŭ liku parušalnikaŭ homielskaje pradpryjemstva «Miłkavita», Lepielski małočna-kansiervavy kambinat, Vaŭkavyskaje AAT «Biełłakt», AAT «Babuškina krynka, Klecki filijał Słuckaha syrarobnaha kambinata, Lidski małočna-kansiervavy kambinat, małočnuju kampaniju «Navahradskija dary».
