Charysan Ford u roli Chana Soła časoŭ pieršaj tryłohii
Kinasuśviet «Zornych vojnaŭ» razrastajecca: u dadatak da troch novych epizodaŭ asnoŭnaj sahi, śpin-ofaŭ pra paŭstancaŭ i pra Bobu Feta źjavicca śpin-of pra Chana Soła, paviedamlajecca na aficyjnym sajcie «Zornych vojnaŭ».
Film pra Chana Soła vyjdzie 25 maja 2018 hoda i raspaviadzie pra jaho žyćcio da znajomstva sa Skajvokierami. Ci vierniecca Charysan Ford da roli Chana Soła ŭ hetym filmie, nieviadoma.
Padrabiaznaści pra akciorski skład nie raskryvajucca. Uličvajučy, što Charysan Ford vykanaje rolu niemaładoha Chana ŭ novych epizodach asnoŭnaj sahi, a śpin-of raspaviadzie pra značna maładziejšaha hieroja, na hałoŭnuju rolu moža być abrany i inšy akcior.
Pradziusarami filma stanuć Krystafier Miler i Fił Łord (režysiory i scenarysty «Leha. Filma»), sceranystami — Łoŭrens Kesdan (jaki pisaŭ scenar da dvuch filmaŭ pieršaj tryłohii) i jaho syn Džon Kesdan.
