Akademičny dyrektar BISS pryznačajecca Schodam pajščykaŭ i padspravazdačny Radzie instytuta. Sumiesna z vykanaŭčym dyrektaram i Radaj instytuta, akademičny dyrektar raspracoŭvaje stratehiju raźvićcia instytuta i ažyćciaŭlaje jaje efiektyŭnuju realizacyju.
Akademičny dyrektar vykonvaje nastupnyja asnoŭnyja funkcyi:
1. Kiraŭnictva padrychtoŭkaj, płanavańniem i kaardynacyjaj daśledčych i analityčnych prahram BISS;
2. Raspracoŭka akademičnych standartaŭ publikacyj BISS, pracedur kantrolu ich jakaści;
3. Zabieśpiačeńnie prahramnaj intehracyi roznych instytucyjnych prajektaŭ, u pryvatnaści daśledavańniaŭ, rehularnaj analityki, prajekta REFORUM i inš.;
4. Upraŭleńnie pradstaŭnictvam BISS na navukovych i ekśpiertnych placoŭkach;
5. Kiraŭnictva padrychtoŭkaj knih, artykułaŭ, analityčnych zapisak, publicystyčnych materyjałaŭ BISS;
6. Kiraŭnictva pracaj stypiendyjataŭ, stažoraŭ, inšych udzielnikaŭ daśledavańniaŭ i prahram BISS, jakija niepasredna nie źviazanyja ź instytutam.
Sumiesna z vykanaŭčym (administracyjnym) dyrektaram BISS ažyćciaŭlaje:
- Płanavańnie dziejnaści BISS i składańnie hadavych biudžetaŭ;
- Pošuk finansavańnia i raspracoŭku prajektnych prapanoŭ dla atrymańnia finansavańnia;
- Zaćviardžeńnie štatnaha raskładu, najom i zvalnieńnie administracyjnych i akademičnych supracoŭnikaŭ BISS;
- Padtrymańnie kantaktaŭ z donarami, stejkchołdarami i partniorskimi arhanizacyjami;
- Kiraŭnictva pracaj pa padtrymańni suviaziaŭ z hramadskaściu, u tym liku pa raźvićci vebsajta BISS, pradstaŭlenaści ŭ sacyjalnych sietkach i miedyja;
- Kiraŭnictva padrychtoŭkaj mierapryjemstvaŭ BISS (prezientacyi, kanfierencyi, kruhłyja stały i h.d.), kantrol za ich praviadzieńniem.
Kvalifikacyjnyja patrabavańni:
- Najaŭnaść navukovaj stupieni ŭ halinie sacyjalnych navuk. Pieravaha budzie addadzienaja kandydatam z zachodniaj stupieńniu PhD. Minimalnaje patrabavańnie — abaronienaja kandydackaja dysiertacyja.
- Jak minimum piacihadovy vopyt akademičnaj pracy abo pracy ŭ daśledčych instytutach i think-tanks.
- Svabodnaje vałodańnie (mahčymaść svabodna znosicca, pisać navukovyja materyjały, redahavać, pierakładać z/na) biełaruskaj, ruskaj i anhlijskaj movami.
- Ekśpiertyza ŭ «biełaruskaj tematycy»: palityka, ekanomika, hramadstva.
Kandydat pavinien być hatovy da:
- pracy ŭ maładym kalektyvie, jaki dynamična raźvivajecca;
- afarmleńnia pa aŭtarskaj damovie ź litoŭskaj arhanizacyjaj BISS;
- vysokaj stupieni niavyznačanaści i adsutnaści mahčymaści ŭ BISS harantavać doŭhačasovyja kantrakty z zabiaśpiečanymi ŭmovami pracy;
- umovaŭ apłaty pracy, jakija zaležać ad prajektnaj dziejnaści instytuta.
Zacikaŭlenyja kandydaty pavinny dasłać:
- poŭnaje akademičnaje CV;
- matyvacyjny list;
- karotki płan raźvićcia BISS, uklučajučy mahčymyja asnoŭnyja napramki daśledavańniaŭ (da 3 staronak tekstu)
na adras info@belinstitute.eu da 13 žniŭnia 2015 hoda. Zajaŭki, dasłanyja paśla 13 žniŭnia, prymacca nie buduć.
Rašeńnie pa vybary kandydata budzie pryniata da kanca vieraśnia. Arhanizacyja zkantaktujecca tolki z kandydatami, jakija prajšli papiaredni adbor.
