Śvietłahorskim rajonnym adździełam Śledčaha kamiteta zavieršana rasśledavańnie kryminalnaj spravy ab złačynstvach suprać pałavoj niedatykalnaści i pałavoj svabody ŭ dačynieńni da niepaŭnaletnich.
Ustanoŭlena, što nazvanyja złačynstvy na praciahu niekalkich hadoŭ ździajśniaŭ 56-hadovy žychar Śvietłahorska, paviedamiła aficyjny pradstaŭnik USK pa Homielskaj vobłaści Maryja Kryvanohava.
«Pa kryminalnaj spravie paciarpiełymi pryznanyja žycharki rajcentra. Na padstavie sabranych pa spravie dokazaŭ śledstvam pradjaŭlena abvinavačańnie pa niekalkich artykułach Kryminalnaha kodeksa Biełarusi: č. 1 art. 169, č. 1, 2 art. 168, č. 2, 3 art. 167, č. 2 art. 166, č. 1, 3 art. 157. Miera strymańnia ŭ dačynieńni da abvinavačanaha zastałasia raniejšaj — zaklučeńnie pad vartu. Śledčy kamitet źviartaje ŭvahu, što pry rasśledavańni kryminalnych spraŭ hetaj katehoryi śledstvam u pieršuju čarhu ŭličvajucca intaresy niepaŭnaletnich. Źviestki, što zakranajuć ich pałavuju niedatykalnaść i pałavuju svabodu, nie vydajucca», — adznačyła Kryvanohava.
Pavodle nieaficyjnaj infarmacyi, mužčyna razbeščvaŭ niepaŭnaletnich, jakim na momant ździajśnieńnia złačynstva było 13-15 hadoŭ. Abvinavačany — pracaŭnik miascovaha pradpryjemstva. Mužčyna nieadnarazova ŭ siabie doma pakazvaŭ dziaŭčatam časopisy i hulniavyja karty z vyjavami parnahrafičnaha charaktaru z metaj ŭzbudžeńnia pałavoj ciahi, zatym ahalaŭsia ŭ ich prysutnaści i ździajśniaŭ raspusnyja dziejańni.
