U situacyi va Ukrainie značna mienš prahresu, čym čakałasia, i nie było nijakich płanaŭ ab sustrečy kiraŭnikoŭ Francyi, Hiermanii, Rasii i Ukrainy dla abmierkavańnia dalejšych krokaŭ.
Pra heta zajaviła kancler Hiermanii Anhieła Mierkiel, paviedamlaje Reuters.
«My damovilisia, što praviadziem telefonnuju razmovu ŭ jakaści nastupnaha kroku, i taksama moža być sustreča ministraŭ zamiežnych spraŭ», — skazała Mierkiel u Bierlinie i dadała, što sustreča lidaraŭ čatyroch krain maje sens tolki, kali budzie prahres u situacyi va Ukrainie.
Mierkiel taksama pryvitała rašeńnie parłamienta Ukrainy, jaki prahałasavaŭ u pieršym čytańni za źmieny ŭ Kanstytucyju.
Raniej prezident Ukrainy Piatro Parašenka nie vyklučyŭ mahčymaści sustrečy lidaraŭ dziaržaŭ «narmandskaj» čaćviorki padčas praviadzieńnia štohadovaj siesii Hienieralnaj asamblei AAN, adkryćcio jakoj čakajecca ŭ kancy vieraśnia.
