U Ramickaj ciaśninie ŭ Tadžykistanie byŭ zabity hienierał Abduchalim Nazarzada. Pra heta ŭ piatnicu, 11 vieraśnia, paviedamlaje vydańnie «Azija Plus» sa spasyłkaj na krynicu, jakaja ŭdzielničała ŭ śpiecapieracyi.
Pa słovach surazmoŭcy vydańnia, nieŭzabavie pavinna źjavicca aficyjnaje paviedamleńnie z hetaj nahody. «Azija Plus» piša, što aficyjnyja ŭłady pakul dadzienuju infarmacyju nie paćviardžajuć.
Raniej u siłavych strukturach Tadžykistana zajaŭlali, što hrupa Nazarzada i sam hienierał znachodziacca ŭ ščylnym akružeńni, i jaho likvidacyja tolki sprava času.
Były namieśnik ministra abarony Tadžykistana Abduchalim Nazarzada rasstralaŭ 25 tavaryšaŭ pa słužbie adnoj z vajskovych častak za admovu dałučycca da hrupoŭki, jakuju jon uznačalvaje.
U noč z 3 na 4 vieraśnia ŭdzielniki hrupoŭki, kiraŭnikom jakich byŭ nazvany Nazarzada, napali na centralny aparat Minabarony i na adździeł unutranych spraŭ u horadzie Vachdat. Zahinuli vosiem supracoŭnikaŭ viedamstvaŭ.
Paźniej hienierał rasstralaŭ 25 tavaryšaŭ pa słužbie adnoj z vajskovych častak za admovu dałučycca da terarystyčnaj hrupoŭki
