Na bolšaści pradpryjemstvaŭ Minprama adnoŭleny poŭny rabočy tydzień. Pra heta paviedamiŭ siońnia ŭ čas anłajn-kanfierencyi na sajcie BIEŁTA namieśnik ministra pramysłovaści Biełarusi Dźmitryj Korčyk.
«Kali havaryć pra skaročany rabočy tydzień, to heta sapraŭdy mieła miesca, i heta abjektyŭna źviazana z rabotaj našych partnioraŭ, ich płaciežazdolnaściu. Siońnia situacyja stabilizujecca, bolšaść pradpryjemstvaŭ haliny pracujuć užo 5 dzion u tydzień», — padkreśliŭ jon.
Dźmitryj Korčyk adznačyŭ, što adnaŭleńnie poŭnaha rabočaha tydnia ŭdałosia za košt pryniaćcia šeraha rašeńniaŭ z boku ŭłady, zabieśpiačeńnia peŭnymi zakazami pradpryjemstvaŭ, a taksama za košt raboty prampradpryjemstvaŭ na źniešnich rynkach u častcy dyviersifikacyi ekspartnych pastavak. «My ŭžo majem peŭny partfiel zakazaŭ na novych rynkach i, biezumoŭna, heta daje mahčymaść našym pradpryjemstvam zahružać vytvorčaści, naroščvać abjomy, zabiaśpiečvać rabotaj našych supracoŭnikaŭ. Pa asobnych pradpryjemstvach, nie budu skryvać, situacyja jašče pakul u stadyi stabilizacyi», — rastłumačyŭ jon.
«Što datyčycca składskich zapasaŭ, to siońnia ŭ nas jość štomiesiačnaja dadatnaja dynamika - składy razhružajucca. Idzie skaračeńnie zapasaŭ. Nam i kiraŭnikom dziaržavy, i ŭradam była pastaŭlena zadača skaračeńnia składskich zapasaŭ, ale nie vymyvańnia abarotnych srodkaŭ z metaj zrabić niejkija abjomy pradukcyi i pakłaści ich na skład. Siońnia my pracujem pad kankretnyja zamovy vytvorčaści», — kanstatavaŭ namieśnik ministra.
