Amierykanskaja telekampanija NBC pakazała kadry śpiecapieracyi, jakuju amierykanski śpiecnaz pravioŭ niekalki dzion tamu ŭ Iraku suprać bajevikoŭ «Isłamskaj dziaržavy».
Ab samoj apieracyi stała viadoma jašče ŭ čaćvier, 22 kastryčnika. Razam z bajcami kurdskaha apałčeńnia «Piešmierha» śpiecnazaŭcy ŭziali šturmam adnu z turmaŭ «Isłamskaj dziaržavy» na poŭnačy Iraka. Apieracyja pravodziłasia pry padtrymcy z pavietra.
Pientahon zajaviŭ, što apieracyja mieła adzinkavy charaktar i kazać pra paŭnavartasnyja vajennyja dziejańni na ziamli nielha.
U vyniku z turmy byli vyzvaleny 70 čałaviek - heta kurdy, jakich bajeviki trymali ŭ zakładnikach. Paviedamlajecca ab adnym zahinuŭšym amierykanskim vajskoŭcu. Kolki zahinuła bajevikoŭ «Isłamskaj dziaržavy», nieviadoma. Paviedamlajecca pra toje, što niekalki isłamistaŭ trapili ŭ pałon.
Na kadrach, jakija źjavilisia 25 kastryčnika, vidać, jak śpiecnaz uryvajecca ŭ budynak turmy i paśla niadoŭhaj pierastrełki pačynaje vyvodzić pałonnych.
