Šaścimiesiačny buldoh pa mianušcy Bansaj, jaki naradziŭsia z pałovaj chrybietnika, staŭ zorkaj u internecie, piša The Daily Telegraph.
Žyvioła naradziłasia z redkim zachvorvańniem, jakoje taksama sustrakajecca ŭ čałavieka, — sakralnaj ahieniezijaj (sindrom chvastavoj rehresii). U Bansaja nie funkcyjanuje taz, jaho malusieńkija zadnija łapy pryjšłosia amputavać ŭ červieni hetaha hoda. Ščaniuk moža pierasoŭvacca paŭzkom abo skačkami.
Va ŭzroście troch tydniaŭ haspadar buldoha pieradaŭ jaho ŭ pryvatny prytułak u Techasie. Rabotniki prytułku adznačyli, što Bansaj vielmi žyćciaradasny ščaniuk. Jany vykładvajuć fota i videa na staronki sabaki ŭ Facebook i Instagram. Za apošnija miesiacy jon staŭ nastolki papularny, što ŭ prytułku pačali vypuskać majki i birulki z vyjavaj buldoha.
Bansaj pačaŭ atrymlivać praź internet achviaravańni dla vyrabu śpiecyjalnaj pryłady z kołami, jakoje dazvolić jamu bolš svabodna pierasoŭvacca. Akramia hetaha, u jaho jość cacačny radyjokiravany aŭtamabil, u jakim jon siadzić, pryšpileny ramianiami biaśpieki da kresła.
