Rasijskaja bajavaja avijacyja źniščyła dva mietaličnyja anhary ŭ pravincyi Damask, u jakich raźmiaščaŭsia bujny skład bojeprypasaŭ hrupoŭki «Džiebchat an-Nusra», a ŭ pravincyi Chama źniščany vajenny zavod. Pra heta paviedamiŭ aficyjny pradstaŭnik Minabarony RF hienierał-major Ihar Kanašenkaŭ.
«U rajonie nasielenaha punkta Uschodniaja Huta (pravincyja Damask) naniesieny ŭdar pa bujnym składzie bojeprypasaŭ hrupoŭki «Džiebchat an-Nusra», jaki byŭ raźmieščany ŭ dvuch mietaličnych anharach», — cytuje Kanašenkava RIA Naviny.
Jon padkreśliŭ, što ŭ vyniku pramych udaraŭ pa abjektach i nastupnaj detanacyi bojeprypasaŭ abodva abjekty byli źniščanyja.
«U rajonie Kafier-Siedžyna (pravincyja Chama) źniščany zavod, na jakim terarysty ŭstaloŭvali na aŭtamabili pavyšanaj prachodnaści bujnakalibiernyja kulamioty, minamioty i zienitnyja ŭstanoŭki Zu-23. U vyniku avijacyjnaha ŭdaru cechi, jakija vykarystoŭvalisia bajevikami dla pieraasnaščeńnia techniki, całkam zhareli», — skazaŭ Kanašenkaŭ.
Jon taksama adznačyŭ, što bieśpiłotnymi srodkami zafiksavana źniščeńnie siami pazadarožnikaŭ terarystaŭ.
