Biełaruś u vajennaj śfiery budzie i ŭ dalejšym prytrymlivacca vyklučna abarončaj stratehii. Pra heta siońnia zajaviŭ Alaksandr Łukašenka, naviedvajučy RVUP «Zavod dakładnaj elektramiechaniki» ŭ Dziaržynskim rajonie.
Kiraŭnik dziaržavy papiaredziŭ mahčymyja domysły ab tym, što Biełaruś brazhaje zbrojaj abo ihraje muskułami. «U nas siońnia, zaŭtra taksama, vyklučna abaronnaja stratehija. My ni na koha nie źbirajemsia napadać, — skazaŭ Alaksandr Łukašenka. — My budziem abaraniacca ad tych, chto pastavić za svaju metu na nas napadać, vieści suprać nas vajnu». Heta, padkreśliŭ jon, vyklučna abarončaja stratehija. Sutnaść jaje ŭ tym, kab praciŭnik zadumaŭsia, pierš čym vieści suprać Biełarusi vajnu abo ž stvarać niejki kanflikt. «My pavinny nanieści jamu nieprymalny ŭron, kali jon vyrašyć nas atakavać. Nieprymalny ŭron, nieprymalnyja straty — voś hałoŭnaje. I heta vyklučna abarončaja taktyka», — dadaŭ kiraŭnik dziaržavy.
U Biełarusi jość usie ŭzbrajeńni, ale razam z tym staviłasia zadača raspracavać svaju rakietnuju techniku, pakolki mienavita jana moža nanieści toj samy nieprymalny ŭron praciŭniku ŭ vypadku jaho źjaŭleńnia, praciahnuŭ jon.
Takaja technika ŭ Biełarusi była stvorana. Tak, siońnia kiraŭnik dziaržavy aznajomiŭsia z chodam rabot pa łakalizacyi vytvorčaści rakiet reaktyŭnaj sistemy załpavaha ahniu (RSZA). Prezidentu byli pradstaŭleny mašyny RSZA «Pałanez» i abstalavańnie dla vyprabavańnia rakietnych ruchavikoŭ. «Dalej pavinien być novy etap, my nie pavinny na hetym spyniacca, — pastaviŭ zadaču Alaksandr Łukašenka. — My pavinny iści dalej u ramkach mižnarodnych pahadnieńniaŭ i dahavoraŭ i stvarać bolš sučasnuju rakietnuju techniku».
Akramia taho, u Biełarusi asvoili technałohii pradaŭžeńnia terminu słužby rakiet. «10 tysiač u hod — heta vielmi dobra. Treba — značyć paskorymsia», — kanstatavaŭ Alaksandr Łukašenka, adobryŭšy taki haspadarlivy padychod.
