Sučasnyja Humvee (ad High Mobility Multipurpose Wheeled Vehicle — Vysokamabilnaja šmatmetavaja kołavaja mašyna) pastupili na ŭzbrajeńnie jašče ŭ 1985 hodzie i ŭdzielničali praktyčna va ŭsich vojnach i kanfliktach, jakija vialisia z tych časoŭ Amierykaj.
Humvee Marskoj piachoty ZŠA ŭ Afhanistanie. Fota wikimedia.org
Paśla Vajny ŭ Piersidskim zalivie ŭ 1991 hodzie mašyna, jakaja rehularna traplała ŭ abjektyvy žurnalistaŭ, stała takoj papularnaj, što ŭ 1992 hodzie źjaviŭsia jaje cyvilny varyjant — Hummer.
Oshkosh L-ATV. Fota googleapis.com
Adnak za 30 (!) hod ekspłuatacyi vajskoŭcy ZŠA sfarmulavali šmat zaŭvah navat da takoj aŭtarytetnaj mašyny.
Z hetaj nahody ŭ hetym hodzie Pientahon vydaŭ kantrakt na $6,7 młrd dla zamieny 17.000 aŭtamabilaŭ, jakija znachodziacca na ŭzbrajeńni. Kantrakt atrymaŭ pieramožca adpaviednaha konkursu — amierykanskaja kampanija Oshkosh.
Rekłamnaje videa Oshkosh, dzie pakazana, jak źbirajuć L-ATV
Raspracoŭka Oshkosh pa prahramie Joint Light Tactical Vehicle (Adzinaja lohkaja taktyčnaja mašyna) atrymała nazoŭ L-ATV. Jana adroźnivajecca lepšaj branioj, u tym liku lepšaj abaronaj ad min, bolšaj vahapadymalnaściu, hibrydnaj tranśmisijaj. Mašyna spažyvaje mienš paliva, čym papiarednik.
Oshkosh L-ATV. Fota wikipedia.org
Chutkaść ruchu pa asfaltavanaj darozie — da 112 km/h. Mašyna maje ekipaž u 2 čałavieki (kiroŭca i strałok), a taksama moža pieravozić u zaležnaści ad madyfikacyi ad 2 da 4 desantnikaŭ.
Uzbrajeńnie L-ATV moža mianiacca ŭ zaležnaści ad zadačy. Na tureli mohuć stajać zvyčajny ci bujnakalibierny kulamioty, aŭtamatyčny hranatamiot Mk 19 ci supraćtankavy rakietny kompleks BGM-71 TOW.
