Jak paviedamiła ŭ aŭtorak pres-słužba Jeŭrazijskaj ekanamičnaj kamisii, 7 listapada nabyło moc rašeńnie kalehii JEEK ad 6 kastryčnika 2015 hoda № 131, jakoje libieralizuje šerah mier nietaryfnaha rehulavańnia. U pryvatnaści, rašeńnie admianiaje licenzavańnie ekspartu z mytnaj terytoryi Jeŭrazijskaha ekanamičnaha sajuza kaštoŭnych kamianioŭ.
Zhodna z pałažeńniami ab uvozie i vyvazie kaštoŭnych kamianioŭ z terytoryi JEAES, dazvolny paradak realizujecca z dapamohaj administracyjnaj pracedury — dziaržaŭnaha kantrolu. Raniej ekspart kaštoŭnych kamianioŭ ažyćciaŭlaŭsia na padstavie licenzij, što vydajucca ŭpaŭnavažanym dziaržaŭnym orhanam krainy — člena sajuza i aktaŭ dziaržaŭnaha kantrolu.
Pryniataje rašeńnie taksama ŭstanaŭlivaje rekamiendacyjny charaktar vyznačeńnia norm vychadu praduktaŭ pierapracoŭki kaštoŭnych kamianioŭ, kaštoŭnych mietałaŭ i syravinnych tavaraŭ, što ŭtrymlivajuć kaštoŭnyja mietały, pry ich źmiaščeńni pad mytnyja pracedury.
U pałažeńniach ab uvozie na mytnuju terytoryju JEAES i vyvazie z mytnaj terytoryi JEAES kaštoŭnych kamianioŭ, kaštoŭnych mietałaŭ i syravinnych tavaraŭ, što ŭtrymlivajuć kaštoŭnyja mietały, nie praduhledžana patrabavańnie ab vyznačeńni zajaŭnikam normy vychadu praduktaŭ pierapracoŭki pry ŭvozie (vyvazie) takich tavaraŭ dla metaŭ mytnaha dekłaravańnia. Pryniatyja mietodyki vyznačeńnia i ŭzhadnieńnia norm vychadu praduktaŭ pierapracoŭki taksama nie nosiać abaviazkovaha charaktaru. Raniej paradak vyznačeńnia normy vychadu praduktaŭ pierapracoŭki źjaŭlaŭsia abaviazkovym, rastłumačyli ŭ pres-słužbie JEEK.
