U Biełarusi ŭ nastupnyja vychodnyja čakajucca daždžy, miescami projdzie mokry śnieh, paviedamili ŭ Respublikanskim centry pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody.
U piatnicu, 13 listapada, nadvorje ŭ Biełarusi nočču buduć vyznačać atmaśfiernyja franty, jakija źmiaščajucca z Bałtyjskaha mora. Dniom u asnoŭnym adabjecca ŭpłyŭ vobłaści pavyšanaha atmaśfiernaha cisku. Nočču na bolšaj častcy terytoryi, dniom pa ŭschodzie projduć karotkačasovyja daždžy. Nočču ŭ mnohich rajonach čakajecca ŭzmacnieńnie vietru paryvami da 15-20 m/s. Tempieratura pavietra ŭnačy składzie 2-8 hradusaŭ ciapła, dniom budzie 4-10 hradusaŭ vyšej za nul.
U subotu i niadzielu, 14-15 listapada, nadvorje ŭ Biełarusi abumović cykłon, jaki pieramiaščajecca sa Šviecyi praz krainy Bałtyi ŭhłyb jeŭrapiejskaj terytoryi Rasii.
U subotu, 14 listapada, časam projduć daždžy. Nočču i ranicaj miescami mahčymy tuman. Ranicaj i dniom pa paŭdniovym zachadzie čakajecca ŭzmacnieńnie vietru paryvami da 15-20 m/s. Tempieratura pavietra ŭnačy składzie 1—7 hradusaŭ ciapła, u krajnich uschodnich rajonach pry prajaśnieńniach budzie ad nula da minus 2. Dniom prahnazujecca 4-9 hradusaŭ vyšej za nul.
U niadzielu na bolšaj častcy Biełarusi projduć karotkačasovyja daždžy, pa paŭnočnym uschodzie mahčymy mokry śnieh. Nočču miescami čakajecca ŭzmacnieńnie vietru paryvami da 15-20 m / s. Tempieratura pavietra na praciahu sutak - 1-7 hradusaŭ ciapła.
«U pačatku nastupnaha tydnia, kali cykłon adydzie ŭhłyb jeŭrapiejskaj terytoryi Rasii, u Biełaruś stanuć pastupać bolš prachałodnyja pavietranyja masy z Bałtyjskaha mora.
Pa-raniejšamu budzie daždžliva, u paŭnočna-ŭschodnich rajonach moža być mokry śnieh i adznačacca słaby hałalod. Časami mahčymy mocny paryvisty viecier. U načnyja hadziny tempieratura pavietra budzie źmianiacca ad minus 1—3 hradusaŭ pa paŭnočnym uschodzie da plus 4—7 pa paŭdniovym zachadzie. Dniom budzie chaładniej taksama na paŭnočnym uschodzie (nul — plus 2) i ciaplej na paŭdniovym zachadzie ( plus 6-10 hradusaŭ)», - adznačyli ŭ Hidramiecie.
