prigranice.by
Kampanija «MarkietLiha», stvoranaja «Biełmytniaservis» i Prezidenckim spartyŭnym kłubam, atrymała mahčymaść adkryvać mahaziny biaspošlinnaha handlu ŭ Nacyjanalnym aeraporcie Minsk. Heta vynikaje z ukazu № 455, jaki Alaksandr Łukašenka padpisaŭ na tym tydni.
Akramia «MarkietLihi» ŭ aeraporcie dazvolena handlavać «Dypmarkiet» Kiraŭnictva spravami prezidenta, «Biełamarkiet djuci fry» i «Biełamarkiet Chielena Valery». Dźvie apošnija kampanii heta sumiesnyja pradpryjemstvy Alaksandra Paciomkina i Aleny Skrypiel adpaviedna z UDP. Zhodna z novym ukazam, uładalnikam kramy biaspošlinnaha handlu, raźmieščanaha ŭ punkcie propusku praź dziaržmiažu, jaki znachodzicca ŭ aeraporcie, mohuć być jurydyčnyja asoby Biełarusi albo dziaržaŭnaj formy ŭłasnaści, albo z dolaj dziaržavy ŭ statutnym fondzie nie mienš 49%.
Što tyčycca «MarkietLihi», to na jaje rachunku ŭžo 5 kram duty free na aŭtadarožnych punktach propusku praź dziaržmiažu Biełarusi. Dva handlovyja abjekty znachodziacca na biełaruska-polskaj miažy ŭ «Kazłovičach» (płošča adnaho składaje 369,4 kv. i, druhoha 109,3 kv. m). Dźvie kramy raźmieščany ŭ Homielskim rajonie ŭ punktach «Novaja Huta» (121 kv. M) i «Makrany» (Damanava). I jašče adzin mahazin znachodzicca na biełaruska-litoŭskaj miažy ŭ «Kamiennym Łohu» (144,46 kv. M).
Varta taksama adznačyć, što ŭkazam № 455 ŭvodzicca zabarona na adčužeńnie akcyj (dolej u statutnych fondach) jurydyčnych asob Biełarusi, jakija majuć va ŭłasnaści kapitalnyja budynki, raźmieščanyja ŭ punktach propusku praź dziaržmiažu i vykarystoŭvajucca ŭ jakaści mahazinaŭ duty free. Vyklučeńnie składajuć vypadki, kali takija akcyi abo doli ŭ statutnych fondach adčužajecca va ŭłasnaść dziaržavy, abo ŭ suviazi sa śmierciu ŭdzielnika jurydyčnyja asoby Biełarusi. Taksama vyklučeńniem źjaŭlajecca vypadak adčužeńnia takich akcyj takimi jurasobami dla pamianšeńnia ich statutnych fondaŭ. Praduhledžana taksama, što prezident Biełarusi z dapamohaj rasparadžeńnia moža pryniać rašeńnie ab adčužeńni takich akcyj.
