Jak paviedamili «Našaj Nivie» va ŭpraŭleńni pa spravach kultury Biełdziaržuniviersiteta, pakazy śpiektakla «Branisłaŭ. Sceny z žyćcia i snoŭ» jany nie admianiali.
«Byli ŭzhodnienyja daty pakazaŭ 14 i 16 listapada. Pra dalejšyja pakazy havorka nie išła», — paviedamiŭ supracoŭnik upraŭleńnia.
Aŭtary śpiektakla śćviardžajuć advarotnaje. Pavodle ich słovaŭ, śpiektakli, zapłanavanyja na 18, 20 i 23 listapada, byli admienienyja. Supracoŭniki ŭpraŭleńnia pa spravach kultury BDU vyviesili adpaviednuju abjavu na dźviarach pamiaškańnia, adviedzienaha dla teatra «Na bałkonie».
Pjesa pra Branisłava Taraškieviča była napisanaja Eldaram Biakiravym jašče ŭ 2012 hodzie. Sioleta režysior pry padtrymcy kulturnaha ahienctva «Art Siadziba» i Asamblei niedziaržaŭnych demakratyčnych arhanizacyj sabraŭ hrupu akcioraŭ-amataraŭ, jakija ŭzialisia ŭvasobić u žyćcio jaho tvor.
Premjera adbyłasia 14 listapada na scenie studenckaha teatra BDU «Na bałkonie», pakaz paŭtaryŭsia 16 listapada.
Zaraz tvorčy kalektyŭ znachodzicca ŭ pošukach novaj sceny dla pakazu hetaha śpiektakla.
