Jubilejnaja vystava mastackaj supołki «Pahonia» praciahvaje abrastać skandałami i zabaronami. Jak paviedamlałasia, u dzień adkryćcia vystavy ź jaje źniali dźvie karciny — Alaksieja Maračkina i Alesia Puškina. Abiedźvie karciny mieli aluzii na ŭkrainskija padziei.
Jak pieradaje radyjo «Svaboda», 25 listapada vystava straciła jašče dźvie karciny. Heta pałatno Alesia Cyrkunova, pryśviečanaje Druhoj suśvietnaj vajnie i ŭdziełu biełarusaŭ u bajach kala Monte-Kasina ŭ Italii. A taksama płakat Uładzimira Krukoŭskaha «Što ž my za ludzi?» (na fota), stvorany ŭ 1995 hodzie jak reakcyja na Haniebny refierendum.
Karciny źniali patajemna, mastakam pra heta nichto nie paviedamiŭ. Ciapier tvorcy rychtujuć zvarot na imia staršyni Sajuza mastakoŭ Ryhora Sitnicy, kab vyśvietlić, čamu i kim była ažyćcioŭlena cenzura.
