Dalnabojščyki ź niekalkich rehijonaŭ Rasii, jakija pratestujuć suprać płaty za prajezd hruzavikoŭ pa fiederalnych trasach, pačali marš na Maskvu.
Kiroŭcy roznych haradoŭ Rasii pratestujuć suprać sistemy «Płaton». Na zdymku — adna z akcyj, Vałhahrad, listapad 2015 h.
U mnohich rehijonach Rasii palicyja zatrymlivaje dalnabojščykaŭ i arhanizataraŭ akcyj. Naprykład, u Pieciarburhu zatrymali Alaksandra Rastarhujeva, padstavaj dla hetaha staŭ nieapłačany travieński štraf. Napiaredadni da jaho prychodzili ź pieratrusami.
Udzielniki pišuć u sacsietkach, što supracoŭniki DPS i AMAP pierajšli na ŭzmocnienuju pracu, hruzavyja aŭtamabili nie prapuskajuć i adpraŭlajuć nazad, kiroŭcam pierakryvajuć darohi.
Adnaho z arhanizataraŭ akcyj u Nižnim Noŭharadzie zatrymali na pastu DPS. Tam sabralisia inšyja pratestoŭcy.
Dalnabojniki Vałahodskaj vobłaści paviedamlajuć, što palicyja błakuje prajezd na pastach i adpraŭlaje mašyny na stajanku.
Niekatoryja kiroŭcy vyjazdžajuć z rehijonu na lehkavych aŭtamabilach.