Na hetym tydni zachavajecca anamalna-ciopłaje nadvorje. U treciaj dekadzie śniežnia siaredniaja tempieratura čakajecca na 8°C vyšej za normu.
Fota Alaksandra Vasiukoviča, Tut.by
Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
Pieršuju pałovu tydnia ŭmovy nadvorja na terytoryi Biełarusi buduć vyznačać atmaśfiernyja franty, jakija źmiaščajucca z Zachodniaj Jeŭropy. Ustalujecca syroje i vietranaje nadvorje.
Na aŭtorak, 22 śniežnia, abvieščana štarmavoje papiaredžańnie.
Nočču pa zachadzie, dniom na bolšaj častcy terytoryi čakajecca ŭzmacnieńnie vietru paryvami da 15—20 m/s, dniom u Bresckaj i Hrodzienskaj abłaściach miescami da 22 m/s. Časam daždžy. Tempieratura pavietra minimalnaja nočču 2 + 8°S, maksimalnaja dniom 4 + 10°S.
U sieradu na bolšaj častcy terytoryi taksama čakajucca karotkačasovyja daždžy. U asobnych rajonach tuman. Miescami ŭzmacnieńnie vietru paryvami da 15-18 m/s. Tempieratura pavietra minimalnaja nočču +3 + 9°S, maksimalnaja dniom 6 + 12°S.
U druhoj pałovie tydnia z rostam atmaśfiernaha cisku, daždžoŭ stanie mienš, viecier ścichnie.
U čaćvier, 24 śniežnia, nočču miescami, dniom pa paŭnočnym uschodzie nievialikija karotkačasovyja daždžy. U asobnych rajonach tuman. Tempieratura pavietra na praciahu sutak 3 + 9°S.
U piatnicu, na Kalady, nočču pa poŭnačy krainy, dniom miescami karotkačasovyja daždžy. U asobnych rajonach tuman. Tempieratura pavietra minimalnaja nočču 0, + 5°S, pry prajaśnieńniach da -2°S; maksimalnaja dniom 2 + 8°S.
U vychodnyja plusavaja tempieratura pavietra zachavajecca.
