Zdareńnie adbyłosia na vostravie Uranhiela, paviedamlaje sajt flashnord.com.
Kuchar kampanii «Rusaljans» spačatku prykarmiŭ miadźviedzicu, a potym padkinuŭ joj u ježu vybuchoŭku, źniaŭšy pakuty davierlivaj žyvioły na videa.
Źniaviečanaja miadźviedzica kačajecca ad bolu pa śniezie, pryciskajučysia da jaho pysaj. Za žyviołaj ciahniecca kryvavy śled.
U hety čas apieratary abmiarkoŭvajuć, jak by jana nie ŭvarvałasia da ich u pakoj.
«Nie bojsia, kudy jana ciapier uvarviecca», — kaža chtości za kadram.
U kampanii «Rusaljans» pryznali, što heta nasamreč zrabiŭ ich povar, ciapier pravodzicca ŭnutranaja pravierka.
Varta taksama adznačyć, što na sajcie kampanii havorycca, što «Rusaljans» źjaŭlajecca stvaralnikam dabračynnaha fonda «Bieły miadźvied́», metami jakoha źjaŭlajucca «minimizacyja admoŭnaha ŭździejańnia faktaraŭ, jakija viaduć da źniščeńnia miaścin raspaŭsiudu biełych miadźviedziaŭ», a taksama «farmiravańnie kultury harmaničnych adnosin pamiž čałaviekam i biełym miadźviedziem».
