Hrejs Muhabe — žonka 91-hadovaha prezidenta Zimbabve Robierta Muhabe — źmiaściła svajho muža z pasady kiraŭnika dziaržavy.
Ab hetym piša The Guardian sa spasyłkaj na lidara apazicyjnaj partyi «Ruch za demakratyčnyja pieramieny» Morhana Cvanhirai.
Pa słovach palityka, u Zimbabve adbyŭsia «pałacavy pieravarot», u vyniku jakoha ŭłada apynułasia ŭ rukach 50-hadovaj Muhabe. Lidar partyi adznačyŭ, što žonka prezidenta «achvotna ŭziałasia za kiraŭnictva krainaj».
«Nichto va ŭradzie nie dumaje ab rašeńni nacyjanalnych prablem, pakolki kožny zakłapočany pytańniem ab tym, chto źmienić hetaha stomlenaha čałavieka za styrnom», - zajaviŭ Cvanhirai.
U apošnija miesiacy prysutnaść Hrejs Muhabe na palityčnaj arenie Zimbabve stanovicca ŭsio bolš prykmietnaj, adznačaje vydańnie. U śniežni 2014 žančyna zaniała adnu z klučavych pasad u kiroŭnaj partyi ZANU-PF (Zimbabvijski afrykanski nacyjanalny sajuz - Patryjatyčny front).
22 listapada žonka prezidenta Zimbabve zajaviła ab namiery kupić mužu śpiecyjalnuju invalidnuju kałysku, kab jon praciahnuŭ kiravać krainaj.
Hrejs Muhabe abviaściła, što budzie padtrymlivać praŭleńnie kiraŭnika dziaržavy da taho času, pakul u jaho buduć siły havaryć.
U pačatku lutaha kiraŭnik Zimbabve ŭpaŭ na prystupkach trybuny, vystupajučy ŭ aeraporcie pierad svaimi prychilnikami. U ŚMI paviedamili, što paśla hetaha incydentu pracy pazbavilisia 30 ciełaachoŭnikaŭ, jakija nie zmahli pieraduchilić jaho padzieńnie.
Na dadzieny momant Muhabe źjaŭlajecca najstarejšym dziejnym kiraŭnikom dziaržavy.
U 2013 hodzie jon vyjhraŭ čarhovyja prezidenckija vybary, i kiroŭnaja partyja ZANU-PF ŭžo vyłučyła jaho svaim kandydatam na nastupnyja, jakija pavinny adbycca ŭ 2018-m. Akramia taho, prezident Zimbabve źjaŭlajecca staršynioj Afrykanskaha sajuza, jaki abjadnoŭvaje 54 krainy.
