Stajenka ŭ kaściole ŭ Žodzinie. Fota Siarhieja Hudzilina
25 śniežnia Rastvo (Božaje naradžeńnie) śviatkujuć kataliki i pratestanty, a taksama šerah pravasłaŭnych cerkvaŭ, za vyklučeńniem Ruskaj, Ukrainskaj, Sierbskaj, Hruzinskaj, Jerusalimskaj. Praz dva tydni Rastvo buduć adznačać pravasłaŭnyja Biełarusi. Śviatkujuć 7 studzienia Rastvo i ŭkrainskija hreka-kataliki.
24 śniežnia viečaram i 25 śniežnia prachodziać śviatočnyja bahasłužby ŭ katalickich, hreka-katalickich i pratestanckich chramach krainy i ŭsiaho śvietu.
Apoŭnačy prajšła śviatočnaja słužba ŭ Vatykanie, jakuju ŭznačaliŭ Papa Francišak.
Pantyfik u svajoj kaladnaj kazani zaklikaŭ usich, chto «apjaniony ducham spažyvańnia i aślepleny vonkavym blaskam», uspomnić ab nieparušnych kaštoŭnaściach žyćcia.
U hamilii Papa znoŭ zakranuŭ važnyja dla jaho temy miłasernaści, spahady, supieražyvańnia i spraviadlivaści.
«U śviecie, jaki zanadta časta biaźlitasny da hrešnika i pabłažlivy da hrachu, my pavinny raźvivać u sabie pačućcio spraviadlivaści, kab adroźnivać volu Božuju i dziejničać zhodna ź joj».
Papa Francišak skazaŭ padčas imšy, što «Kalady — čas, kab jašče raz zadumacca, chto my jość».
Śviataja noč. Čas zadumacca ab pražytym hodzie i pamaryć ab nastupnym. Zhadać dobrych słovam rodnych abo tych, chto syšoŭ ad nas.
Zahadać žadańni.
Chaj usio zbudziecca!
Vykarystajcie akienca kamientaroŭ na hetym sajcie, kab vinšavać rodnych, znajomych, siabroŭ, kachanych abo prosta nieznajomych.
Śviatam treba dzialicca.
Z Rastvom! Z Božym Naradžeńniem! Z Naradžeńniem Chrystovym! Z Kaladami!
Viasiołych śviataŭ, darahija čytačy!
